ഒറ്റപ്പാലം : സ്കൂളിന് പരിസരത്തെ പൂവാലശല്യവും ലഹരിവിതരണവും തടയാനായി ഒറ്റപ്പാലം പോലീസിന്റെ ‘ഓപ്പറേഷൻ ഫ്രീക്കൻസ്’ വരുന്നു. പരിശോധനയിൽ നാല് ബൈക്കുകളാണ് പോലീസ് പിടിച്ചെടുത്തത്. ചുനങ്ങാട് സ്കൂൾ പരിസരത്ത് കറങ്ങിനടന്ന യുവാക്കളുടെ ബൈക്കുകളാണ് പിടിച്ചെടുത്തത്. ബൈക്കുകൾക്ക് കൃത്യമായ രേഖകളും ബൈക്കുകൾക്ക് ഇൻഷുറൻസ് ഇല്ലാത്തതിനാല് ഇവരിൽനിന്ന് 5,000 രൂപ വീതം പിഴയീടാക്കുമെന്നും പോലീസ് അറിയിച്ചു.
സ്കൂളുകളുടെ പരിസരത്ത് ലഹരിവില്പനയും പൂവാലശല്യവും കുടി വരുന്ന സാഹചര്യത്തിലാണ് പോലീസ് കഴിഞ്ഞമാസം ‘ഓപ്പറേഷൻ ഫ്രീക്കൻസ്’ ആരംഭിച്ചത്. ഒറ്റപ്പാലത്തെ ഹയർസെക്കൻഡറി സ്കൂളുകൾ കേന്ദ്രീകരിച്ച് യൂണിഫോമില്ലാതെ പോലീസുകാരെ നിയോഗിച്ച് പരിശോധന നടത്താനായിരുന്നു പദ്ധതി. സ്കൂൾ പരിസരം കേന്ദ്രീകരിച്ച് പരിശോധന തുടരുമെന്ന് ഒറ്റപ്പാലം ഇൻസ്പെക്ടർ എം. സുജിത്ത് അറിയിച്ചു.
