ചെങ്ങന്നൂര് : മന്ത്രി സജി ചെറിയാന്റെ നേതൃത്വത്തില് ചെങ്ങന്നൂര് നഗരസഭ പ്രദേശത്ത് നടത്തുന്ന വികസന പ്രവര്ത്തനങ്ങള് തകര്ക്കാന് ശ്രമിക്കുന്ന നഗരസഭാ നേതൃത്വത്തിന്റെ നടപടികള് അവസാനിപ്പിക്കണമെന്ന് ആവശ്യപ്പെട്ടുകൊണ്ട് സിപിഐ എം ചെങ്ങന്നൂര് ടൗണ് ഈസ്റ്റ്, വെസ്റ്റ് ലോക്കല് കമ്മിറ്റികളുടെ നേതൃത്വത്തില് രാഷ്ട്രീയ വിശദീകരണ യോഗം നടന്നു. ഇടനാട് എന്എസ്എസ് സ്കൂള് ജംഗ്ഷനില് നടന്ന യോഗം സിപിഐ എം ചെങ്ങന്നൂര് ഏരിയ സെക്രട്ടറി എം ശശികുമാര് ഉദ്ഘാടനം ചെയ്തു. കെ.കെ ഗോപാലകൃഷ്ണന് അധ്യക്ഷനായി. എം.കെ മനോജ്, വി.വി അജയന്, യു.സുഭാഷ്, വി.ജി അജീഷ്, ടി.കെ സുഭാഷ്, കെ.എന് രാജീവ്, കെ.എസ് സവിത, സാബു തോമസ് എന്നിവർ സംസാരിച്ചു.
