പത്തനംതിട്ട : തദ്ദേശ പൊതുതെരഞ്ഞെടുപ്പില് വോട്ടെടുപ്പ് പ്രവര്ത്തനങ്ങള് വേഗത്തിലാക്കാന് പോള് മാനേജര് മൊബൈല് ആപ്പിക്കേഷനുമായി സംസ്ഥാന തെരഞ്ഞെടുപ്പ് കമ്മീഷന്. നാഷണല് ഇന്ഫര്മാറ്റിക്സ് സെന്ററാണ് (എന്.ഐ.സി) ആപ്ലിക്കേഷന് വികസിപ്പിച്ചത്.
സംസ്ഥാന തെരഞ്ഞെടുപ്പ് കമ്മീഷന്, ജില്ലാ തെരഞ്ഞെടുപ്പ് ഉദ്യോഗസ്ഥര്, റിട്ടേണിംഗ് ഓഫീസര്മാര് എന്നിവര്ക്ക് വോട്ടെടുപ്പ് ദിവസവും തൊട്ടുമുന്പുള്ള ദിവസങ്ങളിലും പോളിംഗ് ഉദ്യോഗസ്ഥരുമായി സംവദിക്കുന്നതിനായാണ് പോള് മാനേജര് ആപ്പ്. സെക്ടറല് ഓഫീസര്മാര്, പ്രിസൈഡിംഗ് ഓഫീസര്മാര്, ഫസ്റ്റ് പോളിംഗ് ഓഫീസര്മാര് എന്നിവര്ക്കും ജില്ലാ തെരഞ്ഞെടുപ്പ് ഉദ്യോഗസ്ഥനോ സംസ്ഥാന തെരഞ്ഞെടുപ്പ് കമ്മീഷനോ നിയോഗിച്ച ഉദ്യോഗസ്ഥര്ക്കും ആപ്ലിക്കേഷന് ഉപയോഗിക്കാം.
ജില്ലാ ഇന്ഫര്മാറ്റിക്സ് ഓഫീസറായ ജിജി ജോര്ജും അഡീഷണല് ജില്ലാ ഇന്ഫര്മാറ്റിക്സ് ഓഫീസര് ആലീസ് ആന്ഡ്രൂസ് കോട്ടിരിയുമാണ് ആപ്പിന്റെ ജില്ലാതല സാങ്കേതിക നോഡല് ഓഫീസര്മാര്. പോള് മാനേജര് ആപ്പ് ജില്ലാ നോഡല് ഓഫീസര് ടി. ബിനോയി ആണ്. പ്രിസൈഡിംഗ് ഓഫീസര്മാര്, ഫസ്റ്റ് പോളിംഗ് ഓഫീസര്മാര് എന്നിവര്ക്കുള്ള പരിശീലനം തെരഞ്ഞെടുപ്പ് പരിശീലന പരിപാടിയുടെ ഭാഗമായി ആരംഭിച്ചു.
