പോണ്ടിച്ചേരി : ഫീസ് വര്ധനവ് പിൻവലിക്കണമെന്ന് ആവശ്യപ്പെട്ട് പോണ്ടിച്ചേരി സര്വകലാശാല വിദ്യാര്ഥികള് നടത്തുന്ന അനിശ്ചിതകാല നിരാഹാര സമരം നാലാം ദിവസത്തേക്ക് കടന്നു. സ്റ്റുഡന്റ്സ് കൗണ്സിലിലെ രണ്ട് പേരടക്കം ഏഴ് വിദ്യാര്ഥികളാണ് അഡ്മിന് ബ്ളോക്കിന് മുന്പില് സമരം നടത്തുന്നത്.
നിരവധി തവണ സര്വകലാശാല അധികൃതരുമായി ചര്ച്ച നടത്തിയെങ്കിലും ഫലമുണ്ടായില്ല. പിന്നാക്ക വിഭാഗക്കാർക്ക് മാത്രം 20 ശതമാനം ഫീസ് ഇളവ് നൽകാമെന്ന മുൻ തീരുമാനത്തിൽ ഉറച്ചു നിൽക്കുകയാണ് അധികൃതർ. ക്ലാസുകൾ ബഹിഷ്കരിച്ചുള്ള വിദ്യാർഥികളുടെ സമരം ഇന്ന് 24 ദിവസം പിന്നിട്ടു.