പത്തനംതിട്ട: പോപ്പുലര് ഫിനാന്സ് തട്ടിപ്പ് കേസില് റിമാന്ഡില് കഴിയുന്ന സ്ഥാപന ഉടമ റോയ് ഡാനിയേലിന്റെ ബന്ധുക്കളുടെ വീടുകളില് അന്വേഷണ സംഘത്തിന്റെ പരിശോധന. പന്തളത്തേയും കോന്നിയിലേയും ബന്ധുക്കളുടെ വീടുകളിലാണ് അന്വേഷണ സംഘം പരിശോധന നടത്തുന്നത്.
കേസില് റിമാന്ഡില് കഴിയുന്ന സ്ഥാപന ഉടമകളായ റോയ് ഡാനിയേല് ഭാര്യ പ്രഭ തോമസ് മക്കളായ റിനു മറിയം, റിയ ആന് എന്നിവരെ കസ്റ്റഡിയില് വാങ്ങുന്നതിന് അന്വേഷണ സംഘം കോടതിയില് കസ്റ്റഡി അപേക്ഷ നല്കിയിട്ടുണ്ട്. പ്രതികളെ പത്ത് ദിവസത്തേക്കാണ് അന്വേഷണ സംഘം കസ്റ്റഡിയില് ആവശ്യപ്പെട്ടിരിക്കുന്നത്. പത്തനംതിട്ട ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് അപേക്ഷ നല്കിയത്. തട്ടിപ്പ് കേസില് ഇവരെ കസ്റ്റഡിയില് കിട്ടിയെങ്കില് മാത്രമെ കൂടുതല് അന്വേഷണം നടത്താന് കഴിയു.