പാപ്പര്‍ ഹര്‍ജി പിന്‍വലിക്കാനൊരുങ്ങി പോപ്പുലര്‍ റോയി ; പത്തനംതിട്ട സബ് കോടതിയില്‍ അപേക്ഷ നല്‍കി

പത്തനംതിട്ട : പോപ്പുലര്‍ ഫിനാന്‍സ് തട്ടിപ്പുകേസില്‍ പാപ്പര്‍ ഹര്‍ജി പിന്‍വലിക്കാനൊരുങ്ങി തോമസ്‌ ഡാനിയേല്‍ (റോയി). ഇത് സംബന്ധിച്ച അപേക്ഷ അഭിഭാഷകന്‍ മുഖേന പത്തനംതിട്ട സബ് കോടതിയില്‍ സമര്‍പ്പിച്ചു. കേസ് ഈ മാസം 28 നാണ് പരിഗണിക്കുക. പോപ്പുലര്‍ റോയിയുടെ അപേക്ഷ കോടതി പരിഗണിക്കാനാണ് സാധ്യത. പാപ്പര്‍ ഹര്‍ജി നിലനില്‍ക്കുന്നത് ജാമ്യത്തിന് ഒരു തടസ്സമായി നിലകൊള്ളുന്നതിനാലാണ് റോയി ഇത്തരം ഒരു നീക്കം നടത്തുന്നത്. പാപ്പര്‍ ഹര്‍ജി പിന്‍വലിക്കാമെന്നും ജാമ്യം നല്‍കിയാല്‍ നിക്ഷേപകരുടെ പണം മടക്കിനല്കാമെന്നും  റോയിയുടെ അഭിഭാഷകന്‍ ഹൈക്കോടതിയിലും പറഞ്ഞിരുന്നു.