കൊച്ചി: സെപ്റ്റംബര് 23നു പോപ്പുലര് ഫ്രണ്ട് നടത്തിയ ഹര്ത്താലിലെ ആക്രമണങ്ങളില് കടുത്ത നിലപാടെടുത്ത് ഹൈക്കോടതി. പോപ്പുലര് ഫ്രണ്ടിന്റെയും സംസ്ഥാന ജനറല് സെക്രട്ടറി അബ്ദുല് സത്താറിന്റെയും വസ്തുവകകള് കണ്ടു കെട്ടിയതിന്റെ വിശദാംശങ്ങള് അറിയിക്കാന് സര്ക്കാരിനോടു ഹൈക്കോടതി നിര്ദേശിച്ചു. രജിസ്റ്റര് ചെയ്ത മുഴുവന് ഹര്ത്താല് ആക്രമണക്കേസുകളിലും ഉണ്ടായ നഷ്ടം എത്രയെന്ന് അറിയിക്കണമെന്നും നിര്ദേശിച്ചിട്ടുണ്ട്.
നവംബര് ഏഴിന് ഇക്കാര്യത്തില് സത്യവാങ്മൂലം സമര്പ്പിക്കാനാണ് സര്ക്കാരിനെ കോടതി അറിയിച്ചിരിക്കുന്നത്. സ്ഥാപനങ്ങളില് എന്ഐഎ റെയ്ഡ് നടത്തുകയും നേതാക്കളെ കൂട്ടമായി അറസ്റ്റു ചെയ്തു ജയിലിലടയ്ക്കുകയും ചെയ്തതിനെതിരെ പോപ്പുലര് ഫ്രണ്ട് നടത്തിയ ഹര്ത്താലിനെതിരെ ജസ്റ്റിസ് എ.കെ.ജയശങ്കരന്, ജസ്റ്റിസ് മുഹമ്മദ് നിയാസ് എന്നിവരുടെ ഡിവിഷന് ബെഞ്ച് സ്വമേധയാ കേസെടുക്കുകയായിരുന്നു.
