കോന്നി : തൃതല പഞ്ചായത്ത് തിരഞ്ഞടുപ്പുമായി ബന്ധപ്പെട്ട് കോന്നിയിൽ പോസ്റ്റൽ ബാലറ്റുകളുടെ വിതരണം നടന്നു. കോന്നി അമൃത വൊക്കെഷണൽ ഹയർ സെക്കണ്ടി സ്കൂളിൽ ക്രമീകരിച്ച പോളിംഗ് സാമഗ്രികളുടെ വിതരണ കേന്ദ്രത്തിൽ ആണ് വിതരണം നടന്നത്. വരണാധികാരിയായ കോന്നി ഡി എഫ് ഓ ആയുഷ് കുമാർ കോറി ഐ എഫ് എസിന്റെ നേതൃത്വത്തിൽ ആയിരുന്നു നടപടികൾ പൂർത്തീകരിച്ചത്. രാവിലെ 10 മണിയോടെ ആരംഭിച്ച നടപടികൾ വൈകുന്നേരത്തോടെയാണ് അവസാനിച്ചത്.
പോളിംഗ് സ്റ്റേഷനിൽ ഡ്യൂട്ടിക്ക് നിയോഗിക്കുന്നവർ, തെരഞ്ഞടുപ്പുമായി ബന്ധപ്പെട്ട് സംസ്ഥാന തിരഞ്ഞെടുപ്പ് കമ്മീഷനിലെ മുഴുവൻ ജീവനക്കാർ, തൃതല പഞ്ചായത്ത് ജീവനക്കാർ, വരണാധികാരി, ഉപവരണാധികാരി എന്നിവരുടെ ഓഫീസുകളിലെ തെരഞ്ഞെടുപ്പ് ജീവനക്കാർ, ഒബ്സെർവർമാർ, സെക്ടർ ഓഫീസർമാർ, ആന്റി ഡിഫൻസ്മെന്റ് സ്ക്വാഡിലെ ഉദ്യോഗസ്ഥർ, തിരഞ്ഞെടുപ്പ് ജോലിയിലുള്ള പോലീസ് ഉദ്യോഗസ്ഥർ എന്നിവരുടെ പോസ്റ്റൽ ബാലറ്റുകൾ ആണ് വിതരണം ചെയ്തത്.
