അഹമ്മദ് നഗർ : അമ്മ മൂന്ന് ദിവസം പ്രായമുള്ള കുഞ്ഞിനെ വിറ്റു. 32-കാരിയായ അമ്മ കുഞ്ഞിനെ കൊടിയ ദാരിദ്ര്യത്തെ തുടർന്ന് കൈമാറുകയായിരുന്നു. 1.78 ലക്ഷം രൂപയ്ക്കാണ് കുഞ്ഞിനെ വിറ്റത്. മഹാരാഷ്ട്രയിലെ അഹമ്മദ് നഗർ ജില്ലയിൽ ഷിർദി പട്ടണത്തിലാണ് സംഭവം. നവംബർ ഏഴിനാണ് മൻപാഡ പോലീസ് കേസ് രജിസ്റ്റർ ചെയ്തിരിക്കുന്നത്. സംഭവത്തിൽ കുട്ടിയുടെ അമ്മയെ അടക്കം ആറ് പേരെ പോലീസ് കസ്റ്റഡിയിലെടുത്തിട്ടുണ്ട്. കുഞ്ഞിനെ വാങ്ങിയ മഹാരാഷ്ടാ മലുന്ദ് സ്വദേശിയും യുവതിയെ സഹായിച്ച മൂന്ന് സ്ത്രീകളും ഒരു പുരുഷനും ഉൾപ്പെടെ നാലുപേരെയുമാണ് കസ്റ്റഡിയിലെടുത്തത്.
