കൊല്ലം:കൊല്ലത്ത് മദ്യപാനത്തിനിടെ ഉണ്ടായ തര്ക്കത്തിന്റെ പേരില് യുവാവിനെ കുത്തിക്കൊന്നു. വ്യാഴാഴ്ച രാത്രി പത്ത് മണിയോടെയാണ് സംഭവം. പുനലൂര് താലൂക്ക് ആശുപത്രി മതില്ക്കെട്ടിന് തൊട്ടപ്പുറത്തുള്ള ബാറിന് മുന്വശത്താണ് കത്തിക്കുത്ത് നടന്നത്. നരിക്കല് നിരപ്പില് ഭാഗത്ത് ബഥേല് കിഴക്കേതില് പി ആര് ബിജുവാണ് മരിച്ചത്. മൃതദേഹം താലൂക്ക് ആശുപത്രിയിലേക്ക് മാറ്റി. ബാറിന് മുന്വശത്തായി ആണ് യുവാവിനെ കുത്തേറ്റ് മരിച്ച നിലയില് കണ്ടെത്തിയത്.
താലൂക്കാശുപത്രിയുടെ ഒരു മതില്ക്കെട്ടിന് തൊട്ടു അപ്പുറത്താണ് ബാര്. അവിടെ നിന്നും ആരോ മൃതദേഹം ആശുപത്രിയില് എത്തിക്കുകയായിരുന്നു. സംഭവം ചിത്രീകരിക്കാന് എത്തിയ മാധ്യമ പ്രവര്ത്തകനെ ഡ്യൂട്ടിയിലുണ്ടായിരുന്ന ഡോക്ടര് തടഞ്ഞു. തുടര്ന്ന് ആശുപത്രി സൂപ്രണ്ട് വിഷയത്തില് ഇടപെട്ടു. മൃതദേഹം പുനലൂര് താലൂക്ക് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.സംഭവുമായി ബന്ധപ്പെട്ട് ഒരാളെ പുനലൂര് പൊലീസ് കസ്റ്റഡിയിലെടുത്തു.
