തിരുവനന്തപുരം : കോവിഡ് പ്രതിസന്ധിക്കിടെ സംസ്ഥാനത്ത് സ്കൂളുകള് തുറക്കുമ്പോള് അതീവ ജാഗ്രത വേണമെന്ന് ആരോഗ്യമന്ത്രി കെ.കെ.ശൈലജ.
കോവിഡ് മഹാമാരി പൂര്ണമായും കെട്ടടങ്ങാത്ത സാഹചര്യത്തില് വരുന്ന അധ്യയന കാലത്തെ ജാഗ്രതയോടെ നേരിടണം. സംസ്ഥാനം ഇപ്പോഴും കോവിഡില് നിന്നും മുക്തമല്ല. പല സ്ഥലങ്ങളും കോവിഡ് ഭീഷണിയിലാണ്. യുകെയില് കാണപ്പെട്ട ജനിതക മാറ്റം വന്ന അതിതീവ്ര വ്യാപന വൈറസ് ഇന്ത്യയിലും റിപ്പോര്ട്ട് ചെയ്തിട്ടുണ്ട്. വിദ്യാര്ഥികളാരും തന്നെ പേടിച്ച് സ്കൂളിലെത്താതിരിക്കരുത്. എല്ലാ മുന്നൊരുക്കങ്ങളും നടത്തിയിട്ടുണ്ട്. ആത്മവിശ്വാസത്തോടെ ഒരധ്യയന വര്ഷം വൈകിയെങ്കിലും നമുക്കാരംഭിക്കാം. ആരോഗ്യ വകുപ്പും വിദ്യാഭ്യാസ വകുപ്പും നല്കുന്ന മാര്ഗനിര്ദേശങ്ങള് എല്ലാവരും കൃത്യമായി പാലിക്കണമെന്നും ആരോഗ്യമന്ത്രി പറഞ്ഞു.
സംസ്ഥാനത്തെ സ്കൂളുകള് ഇന്നുമുതല് ഭാഗികമായാണ് തുറക്കുന്നത്. 3118 ഹൈസ്കൂളുകളിലും 2077 ഹയര് സെക്കന്ഡറി സ്കൂളുകളിലുമായി 10, 12 ക്ലാസുകളില് പഠിക്കുന്ന ഏഴ് ലക്ഷത്തിലേറെ വിദ്യാര്ഥികള്ക്കായാണ് ക്ലാസുകള്. ഹജര് നിര്ബന്ധമല്ല. സ്കൂളിലെത്തുന്ന കുട്ടികള്ക്ക് മാതാപിതാക്കളുടെ സമ്മതപത്രം നിര്ബന്ധമാണ്.
