റിയാദ്: വാഹനാപകടത്തില് പരിക്കേറ്റ് ചികിത്സയിലിരുന്ന മലയാളി മരിച്ചു. പാലക്കാട് തൃത്താല കൊടക്കാച്ചേരി സുലൈമാന് (58) ആണ് അല്-ഖര്ജ് മിലിട്ടറി ആശുപത്രിയില് തിങ്കളാഴ്ച്ച രാവിലെ മരിച്ചത്. ഒരാഴ്ച മുമ്പ് സ്പോണ്സറുമായി റിയാദില്നിന്ന് അല്-ഖര്ജിലേക്ക് പോകുന്ന വഴിയില് എക്സിറ്റ് 15 ന് സമീപം വാഹന അപകടത്തില് പെടുകയായിരുന്നു. കൂടെയുണ്ടായിരുന്ന സൗദി പൗരന് അപകട സ്ഥലത്തു തന്നെ മരണപ്പെട്ടിരുന്നു. ഗുരുതരമായി പരിക്ക് പറ്റിയ സുലൈമാനെ അല്-ഖര്ജ് മിലിട്ടറി ആശുപത്രിയില് പ്രവേശിപ്പിക്കുകയായിരുന്നു. സുലൈമാന് നാലു മാസം മുമ്പാണ് അവസാനമായി നാട്ടില് പോയി മടങ്ങിയത്. പിതാവ്: ഹസൈനാര്. മാതാവ്: പാത്തുമ്മ. ഭാര്യ: ബള്ക്കീസ്. മക്കള്: താഹിറ, ഷിജിന, സുബ്ഹാന, ഷഹീന്.
