റിയാദ്: ഹൃദയാഘാതത്തെ തുടര്ന്ന് തഞ്ചാവൂര് സ്വദേശി റിയാദില് മരിച്ചു. തമിഴ്നാട് തഞ്ചാവൂര് മൈലാടുതുറൈ സ്വദേശി ഹസ്സന് ഫാറൂഖ് (39) ആണ് മരിച്ചത്. ചൊവ്വാഴ്ച രാവിലെ ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് ഹയാത്ത് നാഷനല് ആശുപത്രിയില് എത്തിച്ചെങ്കിലും മരിച്ചു. ആറ് വര്ഷമായി റിയാദിലുള്ള ഹസ്സന് ഫാറൂഖ് ഹൗസ് ഡ്രൈവറാണ്. നാല് മാസം മുമ്പാണ് അവസാനമായി നാട്ടില് പോയി മടങ്ങി വന്നത്. മലയാളികളുമായും വിവിധ മലയാളി സംഘടനകളുമായി ബന്ധമുള്ള ഹസ്സന് സാമൂഹിക ജീവകാരുണ്യ രംഗത്ത് സജീവമായിരുന്നു.
പിതാവ്: മുഹമ്മദ് റസൂല്. മാതാവ്: മഹമൂദ ബീവി. ഭാര്യ: ബാനു. മകന്: ഹാഷിം. ദമ്മാമിലുള്ള സഹോദരന് തമീമുല് അന്സാരി നടപടിക്രമങ്ങള്ക്കായി റിയാദില് എത്തിയിട്ടുണ്ട്. നടപടികള്ക്കായി സാമൂഹിക പ്രവര്ത്തകരായ തോമസ് കുര്യന്, കെ.എം.സി.സി വെല്ഫയര് വിങ് ചെയര്മാന് സിദ്ദിഖ് തുവ്വൂര് തുടങ്ങിയവര് രംഗത്തുണ്ട്.
