കൊച്ചി : നാട്ടിലേക്ക് തിരികെ വരാന് ആഗ്രഹിക്കുന്ന പ്രവാസികളുെട കാര്യത്തില് ലോക്ഡൗണ് തീരുന്നതുവരെ ഇടപെടുന്നതില് പരിമിതികള് ഉണ്ടെന്ന് ഹൈക്കോടതി. സര്ക്കാരിനും പരിമിതികള് ഉണ്ടെന്ന് മനസ്സിലാക്കുന്നു. സുപ്രീം കോടതിയും ഇക്കാര്യം വ്യക്തമാക്കിയിട്ടുണ്ട്. ഗള്ഫില് കുടുങ്ങിക്കിടക്കുന്ന ഇന്ത്യക്കാരുടെ കാര്യത്തില് സഹതാപം ഉണ്ടെന്നും ഹൈക്കോടതി വ്യക്തമാക്കി.
പ്രവാസികളെ തിരികെ എത്തിക്കുന്നതിനുള്ള സംസ്ഥാന സര്ക്കാരിന്റെ മുന്നൊരുക്കങ്ങള് അറിയിക്കാന് ഹൈക്കോടതി നിര്ദേശം നല്കി. ക്വാറന്റീന് സൗകര്യങ്ങള്, ഡോക്ടര്മാരുടെയും നഴ്സുമാരുടെയും എണ്ണം മറ്റ് അനുബന്ധ സൗകര്യങ്ങള് എന്നിവ വ്യക്തമാക്കുന്ന പത്രിക സമര്പ്പിക്കണം. കേസ് അടുത്ത മാസം രണ്ടിന് ഹൈക്കോടതി വീണ്ടും പരിഗണിക്കും.
