ശബരിമല : ഇന്ഫര്മേഷന് – പബ്ലിക് റിലേഷന്സ് വകുപ്പിന്റെ സന്നിധാനത്തെ മീഡിയ സെന്റര് ദേവസ്വം മന്ത്രി കെ. രാധാകൃഷ്ണന് ഉദ്ഘാടനം ചെയ്തു. മണ്ഡല- മകരവിളക്കു കാലത്ത് സര്ക്കാര് വകുപ്പുകളും ദേവസ്വം ബോര്ഡും വിവിധ ഏജന്സികളും ശബരിമലയില് നടത്തുന്ന പ്രവര്ത്തനങ്ങളെക്കുറിച്ചുള്ള വിവരങ്ങള് മാധ്യമങ്ങള് വഴി മീഡിയ സെന്ററില് നിന്നു പൊതുസമൂഹത്തിനു ലഭ്യമാക്കും. തീര്ഥാടകര്ക്ക് ആവശ്യമുള്ള വിവരവിനിമയപ്രവര്ത്തനങ്ങളും സെന്റര് മുഖേന നടക്കും.
എംഎല്എമാരായ അഡ്വ. പ്രമോദ് നാരായണ്, അഡ്വ. കെ.യു. ജനീഷ് കുമാര്, ദേവസ്വം ബോര്ഡ് പ്രസിഡന്റ് അഡ്വ. കെ. അനന്തഗോപന്, ബോര്ഡ് അംഗങ്ങളായ പി.എം. തങ്കപ്പന്, അഡ്വ. മനോജ് ചരളേല്, ഐ & പിആര്ഡി കോട്ടയം മേഖലാ ഡെപ്യൂട്ടി ഡയറക്ടര് കെ.ആര്. പ്രമോദ് കുമാര്, പത്തനംതിട്ട ജില്ലാ ഇന്ഫര്മേഷന് ഓഫീസര് സി. മണിലാല് തുടങ്ങിയവര് ഉദ്ഘാടന ചടങ്ങില് പങ്കെടുത്തു. മീഡിയ സെന്റര് ഫോണ്-04735 202664. ഇമെയില്- [email protected].
