പ്രമാടം : പ്രമാടം ഗ്രാമപഞ്ചായത്തിലെ വിവിധ വാര്ഡുകളില് നടത്തിയ മഴക്കാലപൂര്വ്വ ശുചീകരണ പ്രവര്ത്തനങ്ങള് പേരിന് മാത്രമെന്ന് വ്യാപക ആക്ഷേപം. വാര്ഡുകളില് പലയിടത്തും മാലിന്യങ്ങള് കെട്ടികിടന്നിട്ടും നീക്കം ചെയ്യുന്നില്ല എന്നാണ് പരാതി ഉയരുന്നത്. പ്രമാടം വി. കോട്ടയം ജംഗ്ഷനില് ഓട നിറഞ്ഞാണ് പ്ലാസ്റ്റിക് കുപ്പികളും മാലിന്യങ്ങളും കിടക്കുന്നത്. ഇതോടൊപ്പം റോഡില് പലയിടത്തും കാടുകളും നീക്കം ചെയ്തിട്ടില്ല. മഴക്കാലപൂര്വ്വ ശുചീകരണമെന്ന പേരില് പലഭാഗത്തും പേരിന് മാത്രമാണ് കാടുകള് വെട്ടിതെളിച്ചത്. ഹരിതകര്മ്മ സേന വീടുകളില് നിന്നും ശേഖരിച്ച പ്ലാസ്റ്റിക് മാലിന്യങ്ങള് പലയിടത്തും മിനി എം.സി.എഫ് കളില് നിറഞ്ഞ് കിടക്കാന് തുടങ്ങിയിട്ടും കാലങ്ങള് ഏറെയായി. പുനലൂര് – മൂവാറ്റുപുഴ സംസ്ഥാനപാതയുടെ അരികില് മല്ലശേരിമുക്കിന് സമീപത്തും നിറഞ്ഞ് കവിഞ്ഞ മിനി എം.സി.എഫ് കാടുകയറി കിടക്കുന്നുണ്ട്. ഇത് നിറഞ്ഞതോടെ എം.സി.എഫ് പരിസരത്താണ് ഇപ്പോള് മാലിന്യം തള്ളുന്നത്. തുടര്ച്ചയായി പെയ്തമഴയില് പഞ്ചായത്തിലെ പല ഓടകളിലും കെട്ടികിടക്കുന്ന പ്ലാസ്റ്റിക് കുപ്പികളും അടക്കം കൊതുകുകള് മുട്ടയിട്ട് തുടങ്ങിയിട്ടുമുണ്ട്. മഴക്കാലം രോഗങ്ങളുടെ കാലം കൂടിയായതിനാല് വലിയ രോഗ ഭീതിയാണ് ഇത് ജനങ്ങളില് സൃഷ്ടിക്കുന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
