കൊച്ചി : സിനിമാ തിയറ്ററിലെ തര്ക്കത്തെത്തുടര്ന്ന് ഗര്ഭിണിയെ മര്ദ്ദിച്ച സംഭവത്തില് ഒരാള് അറസ്റ്റിലായി. സംഭവത്തില് ഉള്പ്പെട്ട നാല് പേര് ഒളിവിലാണ്. കറുകപ്പള്ളി സഫിയ മന്സിലില് ഉമ്മര് ഫാറൂഖി(18)നെയാണ് പോലീസ് പിടിയികൂടിയത് . ഒളിവില് പോയവര്ക്കായി പോലീസ് തെരച്ചില് തുടരുകയാണ്. കഴിഞ്ഞ 21-ന് രാത്രിയാണ് സംഭവം ഉണ്ടായത്.
നഗരത്തിലെ ഒരു സിനിമ തിയറ്ററില് സിനിമ കാണുന്നതിനിടെ യുവതിയും ഭര്ത്താവും സിനിമയിലെ ഡയലോഗുകള്ക്ക് കമന്റ് പറഞ്ഞതായി പോലീസ് പറഞ്ഞു. ഇത് തൊട്ടടുത്ത സീറ്റിലിരുന്ന യുവാക്കളെ പ്രകോപിപ്പിച്ചു. തുടര്ന്ന് തീയറ്ററില്നിന്ന് പുറത്തിറങ്ങിയ സംഘം ഗര്ഭിണിയോടും ഭര്ത്താവിനോടും തട്ടിക്കയറുകയും ചെയ്തു. പിന്നീട് ദമ്പതികള് വീട്ടിലേക്കു പോകുന്ന വഴിയില് കറുകപ്പള്ളി മൈക്രോ ജംഗ്ഷനില് വച്ച് കാറിലെത്തി സംഘം യുവതിയെ മര്ദ്ദിക്കുകയായിരുന്നു.
