ചെങ്ങന്നൂര് : കൊല്ലക്കടവ് ചെരുവള്ളൂര് പാറപ്പുറത്ത് ശ്രീജിത്തിന്റെ ഭാര്യ പ്രിയങ്ക (26) ആണ് മരിച്ചത്. തിരുവല്ല ബിലീവേഴ്സ് ഹോസ്പിറ്റലില് ചികിത്സയിലിരിക്കേ ഇന്നലെയാണ് സംഭവം. തലവടി ഇല്ലത്തുപറമ്പില് ഓമനക്കുട്ടന്, ബീന ദമ്പതികളുടെ മകളാണ് പ്രിയങ്ക. ഏഴ് മാസം ഗര്ഭിണിയായ പ്രിയങ്കയ്ക്ക് പനി വന്നതിനെ തുടര്ന്ന് അടുത്തുള്ള സ്വകാര്യ ആശുപത്രിയില് ചികിത്സ തേടിയിരുന്നു. ഇവിടെ വച്ച് നടത്തിയ പരിശോധനയിലാണ് കോവിഡ് സ്ഥിതീകരിച്ചത്.
തുടര് ചികിത്സക്കായി തിരുവല്ല ബിലീവേഴ്സ് ഹോസ്പിറ്റലിലേക്ക് മാറ്റി. രോഗം മൂര്ശ്ശിച്ചതോടെ ഓപ്പറേഷനിലൂടെ കുട്ടിയെ പുറത്തെടുക്കാന് ആശുപത്രി അധികൃതര് തീരുമാനിക്കുകയായിരുന്നു. ഓപ്പറേഷന് നടത്തി കുട്ടിയെ പുറത്തെടുത്തെങ്കിലും പ്രിയങ്കയുടെ ജീവന് രക്ഷിക്കാനായില്ല. നവജാത ശിശു വണ്ടാനം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തിലാണ്.
