ആറ്റിങ്ങല് : സഹോദരീ ഭര്ത്താവിനെ ആക്രമിച്ച സംഭവത്തില് പ്രതിയായ ഡോക്ടര് റിമാന്ഡില്. ചിറയിന്കീഴ് ആനത്തലവട്ടം ബീച്ച് റോഡ് ദീപ്തി കോട്ടേജില് ഡോ.
ഡാനിഷ് ജോര്ജ് (28) ആണ് റിമാന്ഡിലായത്. പോലീസ് തെളിവെടുപ്പു നടത്തി വെള്ളിയാഴ്ച ഊട്ടിയില് നിന്ന് കസ്റ്റഡിയിലെടുത്ത ഡാനിഷിനെ ശനിയാഴ്ച ആറ്റിങ്ങലില് എത്തിച്ച് അറസ്റ്റ് രേഖപ്പെടുത്തി. പ്രതിയെ സംഭവ സ്ഥലത്തെത്തിച്ച് തെളിവെടുപ്പ് നടത്തി. തെളിവെടുപ്പിന് ശേഷം ആറ്റിങ്ങല് ജുഡീഷ്യല് മജിസ്ട്രേറ്റ് കോടതിയില് ഹാജരാക്കി റിമാന്ഡ് ചെയ്തു. പട്ടികജാതി പീഡനം, കൊലപാതകശ്രമം ഉള്പ്പെടെ ആണ് പ്രതിക്കെതിരെ ചുമത്തിയിട്ടുള്ളത്.
