തിരുവനന്തപുരം : ആരോഗ്യവകുപ്പ് കൊവിഡ് പരിശോധന നിരക്ക് പുതുക്കി. സംസ്ഥാനത്തെ സ്വകാര്യ ലാബുകളിലെ നിരക്കാണ് ഇപ്പോള് പുതുക്കിയിരിക്കുന്നത്. 2490 രൂപയാണ് റാപ്പിഡ് ആര്ടിപിസിആര് ടെസ്റ്റുകള് എയര്പോര്ട്ടുകളില് നടത്തുന്നതിനുള്ള നിരക്ക്. എയര്പോര്ട്ടുകളില് പ്രവര്ത്തിക്കുക തെര്മോ ഫിഷര് സയന്റിഫിക്കിന്റെയും അബോട്ട് ഹെല്ത്ത് കെയറിന്റെയും ലാബുകള് ആണ്.
കോവിഡ് പരിശോധനയ്ക്ക് പല ലാബുകള് പല തരത്തിലാണ് നിലവില് എയര്പോര്ട്ടില് പണം ഈടാക്കുന്നത്. പുതിയ ഉത്തരവിലൂടെ ഇതിന് മാറ്റം ഉണ്ടാകും. അതേസമയം സാധാരണ ആര്ടിപിസിആര് പരിശോധനയുടെ നിരക്കില് മാറ്റമില്ല. 500 രൂപയായി ഇത് തുടരും. സാധാരണ ആര്പിടിസിആര് പരിശോധനയ്ക്ക് എയര്പോട്ട്, റെയില്വേ സ്റ്റേഷന്, ബസ് സ്റ്റാന്ഡ്, തീര്ത്ഥാടന കേന്ദ്രം എന്നിങ്ങനെ ഏത് സ്ഥലത്തായാലും ഈ നിരക്ക് തന്നെയായിരിക്കും .
300 രൂപയായിരിക്കും ആന്റിജന് പരിശോധനയ്ക്ക് നിരക്ക്. 1150 രൂപയാണ് ആര്ടി ലാമ്പ് പരിശോധനയ്ക്ക് സര്ക്കാര് നിശ്ചയിച്ചിരിക്കുന്ന നിരക്ക്. 1500 രൂപ ട്രൂനാറ്റ് പരിശോധനക്കും 2500 രൂപ എക്സ്പേര്ട്ട് നാറ്റ് പരിശോനധനയ്ക്കും സ്വകാര്യ ലാബുകള്ക്ക് ഈടാക്കാം.
