റാന്നി : കഴിഞ്ഞ ദിവസത്തെ കനത്ത കാറ്റിലും മഴയിലും വീടിന്റെ സംരക്ഷണ ഭിത്തി തകര്ന്നു വീണതു മൂലം വീട് അപകട ഭീഷണിയില്. റാന്നി-വലിയകുളം-അത്തിക്കയം റോഡിൽ ചൂരക്കുഴി ജെബി ഭവനിൽ ജോണിന്റ വീടിന്റെ ഇരുപത്തഞ്ച് അടി ഉയരമുള്ള മതില്ക്കെട്ടാണ് റോഡിലേക്ക് തകർന്ന് വീണത്. മതിൽ കെട്ട് തകരുകയും മഴ തുടരുന്നതും മൂലം വീടും അപകട ഭീഷണിയിൽ ആണ്. ഭിത്തി തകർന്ന ഭാഗത്തു നില്ക്കുന്ന തെങ്ങും ഏതു നിമിഷവും റോഡിലേക്ക് നിലം പതിക്കുന്ന അവസ്ഥയിൽ ആണ്. ഇത് റോഡിലൂടെ എത്തുന്ന യാത്രക്കാർക്കും ഭീഷണി ഉയർത്തുന്നുണ്ട്.
