റാന്നി : കനത്ത വേനല്മഴയില് വീടിന്റെ സംരക്ഷണ ഭിത്തി ഇടിഞ്ഞതോടെ അപകട ഭീതിയില് രണ്ടു കുടുംബങ്ങള്. അങ്ങാടി ഈട്ടിച്ചുവട് കോയിപ്പുറത്ത് ജോസഫ് തോമസിന്റെ വീടിന്റെ സംരംക്ഷണ ഭിത്തിയാണ് തകര്ന്നു വീണത്. സംരക്ഷണ ഭിത്തി ഇടിഞ്ഞതോടെ ഇതിനോടു ചേര്ന്നു നിന്ന അടുത്ത വസ്തുവിലെ കൂറ്റന് മരത്തിന്റെ ചുവട്ടിലെ മണ്ണും ഇടിഞ്ഞു. ഇതോടെ സമീപത്തു താമസിക്കുന്ന കുറ്റിയാനില് സജുവിന്റെ വീടും അപകട ഭീക്ഷണിയിലായി.
അങ്ങാടിയിലെ ചിറയ്ക്കല്പ്പടി-തൃക്കോമല പള്ളിപ്പടി റോഡിലാണ് പ്രകൃതിക്ഷോഭം മൂലം ജീവന് ഭീക്ഷണിയായി രണ്ടു കുടുംബങ്ങള് കഴിയുന്നത്. കെട്ടിന്റെ ബലക്ഷയവും മണ്ണിടിഞ്ഞതും മൂലം സമീപത്തെ വലിയമരം വേരു പൊട്ടിയ നിലയിലാണ്. ഇത് ഒരു കാറ്റടിച്ചാല് മറിഞ്ഞുവീഴുവാന് സാധ്യതയേറെയാണ്.
അപകട ഭീക്ഷണിയിലായ മരം മുറിച്ചു മാറ്റണമെന്ന ആവശ്യവുമായി അങ്ങാടി വില്ലേജ് ഓഫീസില് സമീപിച്ചെങ്കിലും നടപടിയൊന്നും ഇതുവരെ ഉണ്ടായിട്ടില്ല. ഉദ്യോഗസ്ഥരെത്തി മരം മുറിച്ചു മാറ്റാന് ആവശ്യപ്പെട്ടപ്പോള് നിക്ഷേധാത്മക നിലപാടാണ് ഉടമ സ്വീകരിച്ചതെന്ന് സജു പറഞ്ഞു. മുറ്റത്തിന്റെ കെട്ടിടിഞ്ഞ് വീണ് റോഡിലെ വൈദ്യുതി തൂണും ചരിഞ്ഞു നില്ക്കുകയാണ്. വീണ്ടും ഒരു അപകടം ഉണ്ടാവുന്നതിനു മുമ്പായി മരം മുറിച്ചു നീക്കണമെന്നാണ് കുടുംബങ്ങളുടെ ആവശ്യം.
