തിരുവല്ല: കേരളം വയോധികര് മാത്രമുള്ള സംസ്ഥാനമായി മാറുമെന്ന് ബിബിസി റിപ്പോര്ട്ട് കഴിഞ്ഞ ദിവസമാണ് പുറത്ത് വന്നത്. ഇതിനെതിരെ വന് പ്രതിഷേധമാണ് ഉയരുന്നത്. കേരളം: ലോകത്തിലെ ഏറ്റവും ജനസാന്ദ്രതയുള്ള രാജ്യത്തെ ഒരു പ്രേത നഗരം’ എന്ന പേരിലാണ് ബിബിസി വാര്ത്ത പ്രസിദ്ധീകരിച്ചത്. വലിയ വീടുകള് നിര്മിച്ച് പ്രായമായ മാതാപിതാക്കളെ തനിച്ചാക്കി മക്കള് വിദേശരാജ്യങ്ങളിലേക്ക് പോകുന്നതായും പല വീടുകളും പൂട്ടിക്കിടക്കുന്നതായുമാണ് വാര്ത്ത.
പത്തനംതിട്ട കുമ്പനാടിനെ അടിസ്ഥാനമാക്കി തയാറാക്കിയ വാര്ത്തയാണ് ബിബിസി പ്രസിദ്ധീകരിച്ചത്. ഇതിനെതിരെ കുമ്പനാട്ടുകാര് പ്രതിഷേധവുമായി രംഗത്തെത്തിയിരിക്കുകയാണ്. കുമ്പനാട്ടിനെ ചളിവാരിത്തേക്കാന് വേണ്ടിയുള്ളതാണ് ഇാ വര്ത്തയെന്നാണ് നാട്ടുകാരുടെ ആരോപണം. വാര്ത്തയ്ക്കെതിരെ ഗ്രാമപഞ്ചായത്ത് പ്രസിഡന്റ് അടക്കമുള്ളവര് രംഗത്തെത്തിയിട്ടുണ്ട്.
