തിരുവനന്തപുരം : പിഎസ്സി നിയമന തട്ടിപ്പ് കേസില് മുഖ്യ സൂത്രധാരൻ മുഖ്യപ്രതി രാജലക്ഷ്മിയുടെ ഭർത്താവ് ജിതിൻ ലാലെന്ന് പോലീസ്. ജിതിൻ ലാലിനെ കേസിലെ ഒന്നാം പ്രതിയാക്കി. രണ്ടാം പ്രതി രശ്മിയുടെ ഭർത്താവ് ശ്രീജേഷിനെ നാലാം പ്രതിയാക്കി. രാജലക്ഷ്മിയെയും രശ്മിയെയും സഹായിച്ചത് ഭർത്താക്കന്മാരാണെന്ന് പ്രതികൾ മൊഴി നൽകിയിട്ടുണ്ട്. അറസ്റ്റിലായ ഇവരുടെ സഹായി ജോയ്സ് ജോര്ജ് കേസിൽ അഞ്ചാം പ്രതിയാണ്. തട്ടിപ്പ് നടത്തിയത് സാമ്പത്തിക ലാഭം ലക്ഷ്യമിട്ടെന്ന് ഒന്നാം പ്രതി രാജലക്ഷ്മി പോലിസിന് മൊഴി നൽകി. സാമ്പത്തിക ലക്ഷ്യത്തോടെ തുടങ്ങിയ തട്ടിപ്പിലേക്ക് പിന്നീട് രശ്മിയെയും കണ്ണിചേർക്കുകയായിരുന്നുവെന്നും രാജലക്ഷ്മി സമ്മതിച്ചു. കസ്റ്റഡിയിലുള്ള രണ്ടാം പ്രതി രശ്മിയെ അടുത്ത ദിവസം തൃശൂരിലും എറണാകുളത്തുമെത്തിച്ച് തെളിവെടുക്കും. 85 ലക്ഷം രൂപയുടെ സാമ്പത്തിക തട്ടിപ്പാണ് നടത്തിയതെന്ന് അന്വേഷണ സംഘം കണ്ടെത്തിയിരുന്നു.
തട്ടിപ്പിലൂടെ കൈക്കലാക്കിയ പണം ഉപയോഗിച്ച് ഇവർ ആഢംബര കാറുകളും വീടുകളും വാങ്ങി. ഉദ്യോഗാര്ത്ഥിയെ ഇന്റര്വ്യൂ ചെയ്ത യുവതിയും പോലീസിന്റെ പിടിയിലായിട്ടുണ്ട്. പ്രതി രാജലക്ഷ്മി തൃശൂര് ആമ്പല്ലൂരില് പുതിയ വീട് നിര്മിച്ചിട്ടുണ്ട്. ഒപ്പം എര്ട്ടിഗ, ഡസ്റ്റര് മോഡല് കാറുകളും പ്രതി ഉപയോഗിച്ചിരുന്നു. തട്ടിപ്പിലൂടെ സ്വന്തമാക്കിയ പണമാണ് ഇതിനുപയോഗിച്ചതെന്നാണ് പോലീസ് കണ്ടെത്തല്. പിഎസ്സിയുടെ വ്യാജ ലെറ്റര്ഹെഡ് നിര്മ്മിച്ച് സര്ട്ടിഫിക്കറ്റ് പരിശോധനയ്ക്ക് ഹാജരാക്കാനായിരുന്നു ഉദ്യോഗാര്ത്ഥികള്ക്ക് നല്കിയ നിര്ദ്ദേശം. ഇത് വിശ്വസിച്ച് ആളുകള് പിഎസ്സി ആസ്ഥാനത്ത് എത്തിയപ്പോഴാണ് തട്ടിപ്പ് വ്യക്തമായത്. കത്ത് വ്യാജമെന്ന് കണ്ടെത്തിയതോടെ വിജിലന്സ് വിഭാഗം ചോദ്യം ചെയ്യുകയായിരുന്നു. ഇതോടെയാണ് വന് തട്ടിപ്പ് പുറത്തുവന്നത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
