കൊച്ചി : കോണ്ഗ്രസ് നേതാവ് പി.ടി തോമസ് എംഎല്എയുടെ മൃതദേഹം പാലാരിവട്ടത്തെ വീട്ടിലെത്തിച്ചു. മമ്മൂട്ടി അന്തിമോപചാരം അര്പ്പിച്ചു. മുഖ്യമന്ത്രി പിണറായി വിജയന് വൈകിട്ട് 4.30 ന് കമ്മ്യൂണിറ്റി ഹാളിലെത്തി ആദരാഞ്ജലി അര്പ്പിക്കും. പ്രിയ നേതാവിനെ അവസാനമായി ഒരുനോക്ക് കാണാന് നേതാക്കളും അണികളും നാട്ടുകാരുമുള്പ്പടെ ആയിരക്കണക്കിനാളുകളാണ് വീട്ടിലേക്ക് എത്തുന്നത്. പൊതുദര്ശനത്തിന് വയ്ക്കാനായി മൃതദേഹം ഉടന് ഡിസിസി ഓഫീസിലേക്കും ശേഷം ടൗണ് ഹാളിലേക്കും കൊണ്ടുപോകും. ഡിസിസി ഓഫീസില് 20 മിനിറ്റ് മാത്രമാണ് പൊതുദര്ശനം. രാഹുല് ഗാന്ധി എംപി ഉള്പ്പടെയുള്ള നേതാക്കള് ടൗണ്ഹാളിലെത്തും. വൈകിട്ട് 5.30 ന് കൊച്ചി രവിപുരം ശ്മശാനത്തിലാണ് സംസ്കാരം. മതാചാര പ്രകാരമുള്ള ചടങ്ങുകള് ഒഴിവാക്കിയാണ് സംസ്കാരം.
