പുതുച്ചേരി: കോണ്ഗ്രസ് നേതൃത്വത്തിലുള്ള പുതുച്ചേരിയിലെ നാരായണ സര്ക്കാറിന് വിശ്വാസ വോട്ടെടുപ്പില് തിരിച്ചടി. വി. നാരായണസ്വാമി സര്ക്കാറിന് ഭൂരിപക്ഷം തെളിയിക്കാന് കഴിഞ്ഞില്ല. 12 വോട്ടുകള് മാത്രമാണ് സര്ക്കാരിന് ലഭിച്ചത്. 14 വോട്ടുകളുടെ ഭൂരിപക്ഷം ഉണ്ടെങ്കിലേ ഭരണം നിലനിര്ത്താനാകൂ. കോണ്ഗ്രസ് സര്ക്കാരിന് ഭൂരിപക്ഷം നഷ്ടപ്പെട്ടതായി ഗവര്ണര് അറിയിച്ചു.
സര്ക്കാര് താഴെവീണതോടെ തെരഞ്ഞെടുപ്പ് വരെ രാഷ്ട്രപതി ഭരണം ഏര്പ്പെടുത്തും. എം.എല്.എമാരുടെ കൂട്ടരാജിയാണ് നാരായണ സ്വാമി സര്ക്കാറിന് തിരിച്ചടിയായത്. ഞായറാഴ്ച ഒരു കോണ്ഗ്രസ് എം.എല്.എയും ഡി.എം.കെ എം.എല്.എയും രാജിവെച്ചിരുന്നു.
