കോന്നി : പുനലൂര് – മൂവാറ്റുപുഴ ഹൈവേ പണിയുടെ മറവില് തോട് മണ്ണിട്ടു നികത്തി. കോന്നി റോഡില് പുളിമുക്കിനു സമീപമാണ് സംഭവം. വെള്ളമൊഴുകുന്ന തോടാണ് പച്ചമണ്ണിട്ട് നികത്തിയത്. ഇതോടെ ഇതിലെയുള്ള വെള്ളമൊഴുക്കും ഇപ്പോള് നിലച്ചിരിക്കുകയാണ്. റോഡ് പണിക്കാരോട് പറഞ്ഞെങ്കിലും അവര് മണ്ണ് പൂര്ണ്ണമായി മാറ്റാതെ ഒരു ചെറിയ ചാല് നിര്മ്മിച്ച് പിന്വാങ്ങി. ഇതോടെ മഴപെയ്യുമ്പോള് വെള്ളം ഒഴുകിപ്പോകാതെ ഇവിടെ കെട്ടിനില്ക്കുകയാണ്. ഹൈവേ പണിയുടെ ഭാഗമായി ഇവിടെ കലുങ്ക് നിര്മ്മിച്ചിട്ടുണ്ട്. എന്നാല് ഇതിലെയുള്ള വെള്ളമൊഴുക്ക് സുഗമമാക്കാന് കരാറുകാരന് തയ്യാറായിട്ടില്ല. കെ.എസ്.ടി.പി അധികൃതര് ഇക്കാര്യത്തില് നടപടി സ്വീകരിക്കണമെന്ന് നാട്ടുകാര് ആവശ്യപ്പെട്ടു.
പുനലൂര് – മൂവാറ്റുപുഴ ഹൈവേ പണിയുടെ മറവില് പുളിമുക്കില് തോട് മണ്ണിട്ടു നികത്തി
RECENT NEWS
Advertisment