കോന്നി: ഇളകൊള്ളൂർ മഹാദേവ ക്ഷേത്രത്തിലെ പുനഃപ്രതിഷ്ഠാ വാർഷികവും ഇതിനോടാനുബന്ധിച്ചു നിർമിക്കുന്ന നടരാജ മഹാമണ്ഡപവും സ്റ്റേജിന്റെ സമർപ്പണവും ഫെബ്രുവരി 3 മുതൽ 5 വരെ നടക്കും. കഴിഞ്ഞ ഒന്നരമാസം കൊണ്ടാണ് ഏഴടി ഉയരം വരുന്ന നട രാജ വിഗ്രഹം നിർമിച്ചത്. ക്ഷേത്ര ശിൽപി മലപ്പുറം തിരുനാവായസ്വദേശി രാധാകൃഷ്ണന്റെ കരവിരുതിലാണു ശിൽപ നിർമ്മാണം നടക്കുന്നത്. ഉമയോടൊത്ത് മഹേശ്വരൻ അർധനാരീശ്വര സങ്കൽപത്തിൽ കുടികൊള്ളുന്നതും ആൽത്തറയിൽ പ്രതിഷ്ഠയുള്ളതുമായ അപൂർവ ക്ഷേത്രങ്ങളിൽ ഒന്നാണ് ഇത്. കോവിഡ് മാനദണ്ഡങ്ങൾ പാലിച്ചുകൊണ്ട് ചടങ്ങുകൾ നടക്കുമെന്ന് ക്ഷേത്രം സെക്രട്ടറി ഹരികുമാർ ഇന്ന് അറിയിച്ചു.
