പത്തനംതിട്ട : പുണ്യം പൂങ്കാവനം പദ്ധതിയുടെ ഭാഗമായി ശബരിമല സന്നിധാനത്ത് പ്ലാസ്റ്റിക്കിനെതിരെ ബോധവല്ക്കരണം നടത്തി. കേരള പോലീസിന്റെ നേതൃത്വത്തില് ആര്.എ.എഫ്, കേന്ദ്രസേന, ഫയര്ഫോഴ്സ്, എക്സൈസ്, അഖില ഭാരത അയ്യപ്പസേവാസംഘം, വിശുദ്ധിസേന പ്രവര്ത്തകര് തുടങ്ങിയവര് ചേര്ന്നാണ് ശുചീകരണവും പ്ലാസ്റ്റിക്കിനെതിരായ ബോധവല്ക്കരണവും നടത്തിയത്.
സന്നിധാനത്ത് ഡിവൈഎസ്പി എം. രമേഷ് കുമാര്, ആംഡ് പോലീസ് ഇന്സ്പെക്ടര് പി.എം. ഗോപി, ആംഡ് സബ് ഇന്സ്പെക്ടര് വി. അനില്കുമാര് എന്നിവരുടെയും പമ്പയില് ആംഡ് സബ് ഇന്സ്പെക്ടര് സജി മുരളി, നിലയ്ക്കല് ആംഡ് സബ് ഇന്സ്പെക്ടര് ജയകുമാര്, എരുമേലിയില് ആംഡ് സബ് ഇന്സ്പെക്ടര് സുജിത്ത് എന്നിവരുടെയും നേതൃത്തിലാണ് പുണ്യം പൂങ്കാവനം ശുചീകരണവും ബോധവത്കരണവും നടത്തിവരുന്നത്. പ്രകൃതിയെ സംരക്ഷിക്കുക, ശബരിമലയെ പ്ലാസ്റ്റിക് മുക്തമാക്കുക എന്ന ലക്ഷ്യത്തോടെ 2010 ലാണ് ശബരിമല സന്നിധാനത്ത് പുണ്യം പൂങ്കാവനം പദ്ധതി തുടങ്ങിയത്.
