പത്തനംതിട്ട : ഭരണരംഗത്തും വിദ്യാഭ്യാസ സാമൂഹിക രംഗത്തും വ്യക്തിമുദ്ര പതിപ്പിച്ച ബഹുമുഖ പ്രതിഭയും തലയെടുപ്പുള്ള നേതാവുമായിരുന്നു മുന് മുഖ്യമന്ത്രിയും കെ.പി.സി.സി പ്രസിഡന്റുമായിരുന്ന ആര്. ശങ്കര് എന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പറഞ്ഞു. ആര് ശങ്കറിന്റെ 51 -ാം ചരമവാര്ഷിക ദിനത്തോടനുബന്ധിച്ച് ജില്ലാ കോണ്ഗ്രസ് കമ്മിറ്റിയുടെ നേതൃത്വത്തില് പത്തനംതിട്ട രാജീവ് ഭവനില് സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വിദ്യാഭ്യാസരംഗത്തെ ആര്. ശങ്കറിന്റെ സംഭാവനകള് കേരള സമൂഹത്തിന് പൊതുവായും പ്രത്യേകിച്ച് ഈഴവ സമുദായത്തിന് വിസ്മരിക്കാനാവില്ലെന്ന് ഡി.സി.സി പ്രസിഡന്റ് പറഞ്ഞു. ശ്രീനാരായണ ഗുരു, ചട്ടമ്പിസ്വാമികള് എന്നിവരെപ്പോലുള്ള നവോത്ഥാന നായകര് തുടങ്ങിവെച്ച വിപ്ലവ ചിന്തകള് പ്രാവര്ത്തികമാക്കുവാന് രാഷ്ട്രീയ പ്രവര്ത്തകന് എന്ന നിലയിലും ഭരണാധികാരി എന്ന നിലയിലും ആര്. ശങ്കര് ആര്ജ്ജവത്തോടെ പ്രവര്ത്തിച്ചതായും അദ്ദേഹത്തിന്റെ ജീവചരിത്രം കോണ്ഗ്രസ് പ്രവര്ത്തകര് പാഠപുസ്തകമാക്കി പ്രവര്ത്തിക്കണമെന്നും പ്രൊഫ. സതീഷ് കൊച്ചുപറമ്പില് പറഞ്ഞു.
ഡി.സി.സി വൈസ് പ്രസിഡന്റ് എ. സുരേഷ് കുമാര് അദ്ധ്യക്ഷത വഹിച്ചു. പ്രൊഫ. പി.കെ. മോഹന്രാജ് അനുസ്മരണ പ്രഭാഷണം നടത്തി. മുന് എം.എല്.എ മാലേത്ത് സരളാദേവി, യു.ഡി.എഫ് ജില്ലാ കണ്വീനര് എ. ഷംസുദ്ദീന്, ഡി.സി.സി ഭാരവാഹികളായ അനില് തോമസ്, സാമുവല് കിഴക്കുപുറം, കെ. ജാസിംകുട്ടി, എസ്.വി പ്രസന്നകുമാര്, എം.എസ് സിജു, എലിസബത്ത് അബു, രജനി പ്രദീപ്, ജെറി മാത്യു സാം, ജയിംസ് കീക്കരിക്കാട്ട്, നഹാസ് പത്തനംതിട്ട, പി.ജി ദിലീപ് കുമാര്, എം.കെ പുരുഷോത്തമന്, അബ്ദുള്കലാം ആസാദ് എന്നിവര് പ്രസംഗിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
