പേരാമ്പ്ര : ചക്കിട്ടപാറ പഞ്ചായത്തിലെ നരിനട ഭാസ്കരന് മുക്ക്, മറുമണ്ണ് പ്രദേശങ്ങളിലെ ഒട്ടേറെ വളര്ത്തു മൃഗങ്ങളെ ആക്രമിച്ച ഭ്രാന്തന് നായയെ വെടി വെച്ചു കൊല്ലാന് ഉത്തരവിട്ടതിന്റെ പേരില് പ്രസിഡന്റ് കെ.സുനിലിനെതിരെ പരാതി.
പോലീസ് കേസെടുത്തു. തിരുവനന്തപുരം ആനിമല് വെല്ഫെയര് ബോര്ഡാണ് പരാതിക്കാര്. പെരുവണ്ണാമൂഴി പോലീസ് ഇന്സ്പെക്ടര് സുനിലിന്റെ മൊഴിയെടുത്തു. തോക്കുടമ മുണ്ടക്കല് ഗംഗാധരന്റെ ലൈസന്സും തോക്കിന്റെ രേഖകളും പോലീസ് പരിശോധിച്ചു. എന്നാല് ഭ്രാന്തന്നായയില്നിന്നു തങ്ങളെ പ്രസിഡന്റ് സംരക്ഷിക്കുകയായിരുന്നുവെന്നും കേസ് അംഗീകരിക്കാനാവില്ലെന്നുമാണ് പ്രദേശവാസികള് പറയുന്നത്.
