തിരുവനന്തപുരം: വാക്സീനെടുത്തിട്ടും പേവിഷബാധയേറ്റ് പെണ്കുട്ടി മരിച്ച സംഭവത്തില് ഇടപെട്ട് മനുഷ്യാവകാശ കമ്മീഷന്. പാലക്കാട് ജില്ലാ കളക്ടറും ജില്ലാമെഡിക്കല് ഓഫീസറും വിഷയത്തില് വിശദമായ അന്വേഷണം നടത്തണമെന്ന് മനുഷ്യാവകാശ കമ്മീഷന് ആവശ്യപ്പെട്ടു. ഒരാഴ്ച്ചയ്ക്കകം അന്വേഷണ റിപ്പോര്ട്ട് സമര്പ്പിക്കണമെന്ന് കമ്മീഷന് ജുഡീഷ്യല് അംഗം കെ ബൈജുനാഥ് ആവശ്യപ്പെട്ടു. ജൂലൈ 12 ന് പാലക്കാട് ഗവണ്മെന്റ് ഗസ്റ്റ് ഹൗസില് നടക്കുന്ന സിറ്റിംഗില് കേസ് പരിഗണിക്കും. മെയ് 30 നാണ് ശ്രീലക്ഷ്മിയെ അയല്വീട്ടിലെ വളര്ത്തുനായ കടിച്ചത്. തുടര്ന്ന് തൃശ്ശൂര് മെഡിക്കല് കോളേജില് ചികിത്സയിലായിരുന്നു. പേവിഷബാധയേറ്റതിന്റെ ലക്ഷണം കാണിച്ച് തുടങ്ങിയതോടെ ശ്രീലക്ഷ്മിക്ക് റാബീസ് വാക്സിന് എടുത്തിരുന്നുവെങ്കിലും ജീവന് രക്ഷിക്കാനായില്ല.
പേവിഷബാധയേറ്റ് പെണ്കുട്ടി മരിച്ച സംഭവത്തില്,വിശദമായ അന്വേഷണം നടത്തണമെന്ന് മനുഷ്യാവകാശ കമ്മീഷന്
RECENT NEWS
Advertisment