ന്യൂഡൽഹി : കേരളത്തിൽ കോവിഡ് കേസുകൾ ഉയരുന്നതിൽ ആശങ്ക പ്രകടിപ്പിച്ച് വയനാട് എം.പി രാഹുൽ ഗാന്ധി. കേരളീയർ സുരക്ഷാനടപടികളും മാർഗനിർദേശങ്ങളും കൃത്യമായി പാലിക്കണമെന്നും അദ്ദേഹം ആവശ്യപ്പെട്ടു. രാജ്യത്ത് റിപ്പോർട്ട് ചെയ്യുന്ന കോവിഡ് കേസുകളിൽ 50 ശതമാനവും സംസ്ഥാനത്ത് നിന്നാണ്. ഇതിന്റെ പശ്ചാത്തലത്തിലാണ് ആശങ്ക അറിയിച്ചുകൊണ്ടുളള രാഹുൽ ഗാന്ധിയുടെ ട്വീറ്റ്.
കേരളത്തിലെ ഉയരുന്ന കൊറോണ വൈറസ് ബാധ ആശങ്ക സൃഷ്ടിക്കുന്നു. സംസ്ഥാനത്തെ എല്ലാ സഹോദരീസഹോദരന്മാരോടും എല്ലാ സുരക്ഷാ മുൻകരുതലുകളും മാർഗനിർദേശങ്ങളും പാലിക്കണമെന്ന് ഞാൻ അഭ്യർഥിക്കുകയാണ്. സുരക്ഷിതരായിരിക്കൂ. രാഹുൽ ട്വീറ്റ് ചെയ്തു.
