കോഴിക്കോട് : ചേവായൂര് പാറോപ്പടി റോഡില് വാടക വീട് കേന്ദ്രീകരിച്ച് നടത്തിവരികയായിരുന്ന പെണ്വാണിഭ കേന്ദ്രത്തിലെ റെയ്ഡില് അഞ്ചുപേര് അറസ്റ്റിലായി. മൂന്ന് സ്ത്രീകളും രണ്ടു പുരുഷന്മാരുമാണ് അറസ്റ്റിലായത്. ചേവായൂര് തൂവാട്ട് താഴ വയലില് ആഷിക് (24) ബേപ്പൂര് അരക്കിണര് റസ്വ മന്സിലില് ഷഫീഖ് (32), പയ്യോളി, നടുവണ്ണൂര്, അണ്ടിക്കോട് സ്വദേശികളായ മൂന്ന് സ്ത്രീകളുമാണ് അറസ്റ്റിലായത്.
നാട്ടുകാരുടെ പരാതിയെത്തുടര്ന്ന് പോലീസ് നിരീക്ഷണത്തിലായിരുന്നു വീട്. തുടർന്ന് നടത്തിയ പരിശോധനയിലാണ് ഇവരെ പോലീസ് പിടികൂടിയത്. കഴിഞ്ഞ മൂന്ന് മാസക്കാലമായി പാറോപ്പടി ചേവരമ്ബലം റോഡിലെ ഒരു വീടിന് മുകളില് നരിക്കുനി സ്വദേശി ഷഹീന് എന്നയാള് വീട് വാടകക്കെടുത്ത് പെണ്വാണിഭം നടത്തിവരികയായിരുന്നുവെന്നാണ് പോലീസ് പറയുന്നത്.
ഷഹീന് മുന്പും സിറ്റിയിലെ വിവിധ സ്ഥലങ്ങളില് ഇത്തരത്തില് പെണ്വാണിഭ കേന്ദ്രം നടത്തിയിരുന്നതായി പോലീസിന് വിവരം ലഭിച്ചിട്ടുണ്ട്. പ്രതികളായ സ്ത്രീകളുടെ മൊബൈല് ഫോണ് രേഖകള് പരിശോധിച്ചപ്പോള് നിരവധി ആളുകള് ഇവരുടെ ഇടപാടുകാരായി ഉണ്ടെന്ന് വ്യക്തമായിട്ടുണ്ട്.
