കായംകുളം : തയ്യില്- പെരിങ്ങാല റോഡിലെ റെയില്വേ അടിപ്പാതയിലെ വെള്ളക്കെട്ടും കെ.പി.റോഡിലുള്ള കുഴികളും യാത്രക്കാര്ക്കു ദുരിതമാകുന്നു. റോഡിലെ കട്ടകളെല്ലാം ഇളകിമാറിയ നിലയിലാണ്. ടാര് ഇളകി വലിയകുഴികള് രൂപപ്പെട്ടു. മഴക്കാലത്ത് ഇവിടെ വെള്ളം നിറയുന്നതോടെ അപകടങ്ങള് വര്ധിച്ചു.
ഇരുചക്രവാഹന യാത്രക്കാരാണ് അപകടത്തില്പ്പെടുന്നവരില് ഏറെയും. കുഴിയില് വീണ് വാഹനങ്ങള്ക്ക് തകരാറും സംഭവിക്കുന്നു. കഴിഞ്ഞ ദിവസം മാത്രം ഇരുപതോളം വാഹനങ്ങള് അപകടത്തില്പ്പെട്ടതായി നാട്ടുകാര് പറഞ്ഞു. ഇവിടെ ഗതാഗത തടസ്സവും പതിവാണ്. തയ്യില്- പെരുങ്ങാലറോഡ് പൊതുമരാമത്ത് വകുപ്പിന്റെ കീഴിലാണ്. വര്ഷങ്ങളായി മഴക്കാലത്ത് പ്രദേശവാസികള് അടിപ്പാതയിലൂടെ ബുദ്ധിമുട്ടിയാണു യാത്രചെയ്യുന്നത്.
