തിരുവനന്തപുരം; ഇടിമിന്നലോടു കൂടിയ ഒറ്റപ്പെട്ട വേനല് മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി. മധ്യ തെക്കന് കേരളത്തില് പ്രത്യേകിച്ച് മലയോര മേഖലയിലാണ് മഴയ്ക്ക് കൂടുതല് സാധ്യതയുള്ളതെന്നാണ് അറിയിപ്പ് നല്കിയിരിക്കുന്നത്. ഇന്നും നാളെയും മധ്യ പടിഞ്ഞാറന് ബംഗാള് ഉള്ക്കടല്, ആന്ധ്രാ പ്രദേശ് തീരം എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യത മുന്നറിയിപ്പുണ്ട്.
വിവിധ ജില്ലകളില് നേരിയ മഴയ്ക്ക് സാധ്യതയുണ്ടെന്നും കാലാവസ്ഥാ വകുപ്പ് അറിയിച്ചു. കണ്ണൂരും കാസര്കോടും ഒഴികെയുള്ള ജില്ലകളില് ഇന്നും നാളെയും നേരിയ മഴ ലഭിക്കും. കാറ്റിനും മോശം കാലാവസ്ഥയ്ക്കും സാധ്യത കണക്കിലെടുത്ത് മുന്നറിയിപ്പുള്ള പ്രദേശങ്ങളില് മത്സ്യബന്ധനത്തിനു പോകരുതെന്ന് ജില്ലാ കളക്ടര് അറിയിച്ചു. അതേസമയം കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്നും അറിയിപ്പില് പറയുന്നു.