ഉദയ്പൂര് : പ്രവാചക നിന്ദ നടത്തിയ നുപുര് ശര്മ്മയെ സോഷൃല്മീഡിയയിലൂടെ പിന്തുണച്ചെന്നാരോപിച്ച് ഉദയ്പൂരില് തയ്യല് ജീവനക്കാരനെ പട്ടാപ്പകല് രണ്ട് പേര് തലയറുത്ത് കൊലപ്പെടുത്തിയ സംഭവത്തില് രാജസ്ഥാന് സര്ക്കാര് ചൊവ്വാഴ്ച പ്രത്യേക അന്വേഷണ സംഘത്തെ (എസ്ഐടി) നിയോഗിച്ചു.
അഡീഷണല് ഡയറക്ടര് ജനറല് ഓഫ് പോലീസ് (എഡിജി), സ്പെഷ്യല് ഓപ്പറേഷന് ഗ്രൂപ്പ് അശോക് കുമാര് റാത്തോഡ്, ഇന്സ്പെക്ടര് ജനറല് ഓഫ് പോലീസ് (ഐജി), ആന്റി ടെറര് സ്ക്വാഡ് (എടിഎസ്), പ്രഫുല്ല കുമാര്, ഒരു സൂപ്രണ്ട് ഓഫ് പോലീസ് (എസ്പി) റാങ്കിലുള്ള ഉദ്യോഗസ്ഥനും ഒരു അഡീഷണല് ഓഫീസറും ഉള്പ്പെടുന്നതാണ് എസ്ഐടി. സംഘര്ഷ സാധ്യത കണക്കിലെടുത്ത് ഉദയ്പൂരില് ഇന്റര്നെറ്റ് സേവനങ്ങള് താല്ക്കാലികമായി നിര്ത്തിവച്ചിരിക്കുകയാണ്. കര്ഫ്യൂവും ഏര്പ്പെടുത്തിയിട്ടുണ്ട്.