പുലിയൂർ : പുലിയൂർ ശ്രീകൃഷ്ണവിലാസം എൻഎസ്എസ് കരയോഗവും ശ്രീരാജരാജേശ്വരി എൻഎസ്എസ് വനിതാസമാജവും സംയുക്തമായി രാമായണോത്സവം നടത്തി. രാമായണ പാരായണം, പ്രഭാഷണം, പ്രശ്നോത്തരി എന്നിവ നടന്നു. എൻഎസ്എസ് താലൂക്ക് യൂണിയൻ പ്രസിഡന്റ് പി.എൻ. സുകുമാരപ്പണിക്കർ ദീപം തെളിച്ചു. കരയോഗം പ്രസിഡന്റ് അഡ്വ.ഡി. നാഗേഷ് കുമാർ അധ്യക്ഷത വഹിച്ചു. യൂണിയൻ സെക്രട്ടറി ബി.കെ. മോഹൻദാസ് രാമായണസന്ദേശം നൽകി. രാമായണം നിത്യജീവിതത്തിൽ എന്ന വിഷയത്തിൽ പെണ്ണുക്കര രാധാകൃഷ്ണൻ പ്രഭാഷണം നടത്തി. എൽപി, യുപി, ഹൈസ്കൂൾ, ഹയർ സെക്കൻഡറി വിദ്യാർഥികൾക്കായി രാമായണ പ്രശ്നോത്തരി നടത്തി. പ്രശ്നോത്തരി കുന്നന്താനം എൻഎസ്എസ് ഹൈസ്കൂൾ അധ്യാപകൻ ഒ.ആർ. രഞ്ജിത് പാണ്ടനാട് നയിച്ചു.
കരയോഗം സെക്രട്ടറി വി.കെ. പുരുഷോത്തമൻപിള്ള, ജോ സെക്രട്ടറി തൃപ്പാദം വിജയൻപിള്ള, വൈസ് പ്രസിഡന്റ് സി.പി. ജയകുമാർ, ട്രഷറർ ടി.എൻ. രാജഗോപാൽ, വനിതാസമാജം സെക്രട്ടറി രമണി എസ്. പിള്ള, വൈസ് പ്രസിഡന്റ് സ്മിതാ രാജേഷ്, ജോ സെക്രട്ടറി ഉഷ എസ്. പിള്ള, ട്രഷറർ ശ്രീജാ പത്മകുമാർ, ടി.കെ. ഉണ്ണിക്കൃഷ്ണപിള്ള, സി.ജി. സോമൻപിള്ള, എം.എൻ. ശശിധരൻനായർ, വി.കെ. ഗോപാലകൃഷ്ണപ്പണിക്കർ, വി.ആർ. ഗോപിനാഥകാർണവർ, ഹരികുമാർ പുളിയക്കാട്ടിൽ, സി.കെ. രാധാകൃഷ്ണൻനായർ, ടി.എൻ. മുരളീധരൻപിള്ള തുടങ്ങിയവർ പ്രസംഗിച്ചു.
