തിരുവനന്തപുരം: അനില് ആന്റണി ബിജെപിയില് ചേരാനെടുത്ത തീരുമാനം അപക്വമെന്ന് രമേശ് ചെന്നിത്തല. ബിജെപിയെ അറിയാവുന്ന ആരും ഇത് ചെയ്യില്ലെന്നും അനില് ആന്റണിയുടെ രാഷ്ട്രീയമാറ്റം ഒരു ചലനവും കേരളത്തില് ഉണ്ടാക്കില്ലെന്നും ചെന്നിത്തല പ്രതികരിച്ചു. അനില് ആന്റണിയുടെ തീരുമാനം തെറ്റാണെന്നും അബദ്ധമാണെന്നും കാലം തെളിയിക്കും. ഇത് കൊണ്ട് കേരളത്തിലെ കോണ്ഗ്രസിനെ ദുര്ബലപ്പെടുത്താമെന്ന് ബിജെപി കരുതേണ്ടയെന്നും കോണ്ഗ്രസ് പ്രവര്ത്തകര് ഒരേ മനസോടെ മുന്നോട്ട് പോകുമെന്നും രമേശ് ചെന്നിത്തല വ്യക്തമാക്കി.
അതേസമയം അനില് ആന്റണി ബിജെപിയില് ചേരാനെടുത്ത തീരുമാനം വേദനയുണ്ടാക്കിയെന്ന് എകെ ആന്റണിയും വ്യക്തമാക്കി. അനിലിന്റേത് തികച്ചും തെറ്റായ തീരുമാനമായിപ്പോയെന്ന് അദ്ദേഹം മാധ്യമങ്ങളോട് പ്രതികരിച്ചു. അനില് ആന്റണിയുടെ ബിജെപിയിലേക്കുള്ള കൂടുമാറ്റത്തോട് വികാരാധീനനായിട്ടാണ് എ കെ ആന്റണി പ്രതികരിച്ചത്. അനിലുമായി ബന്ധപ്പെട്ട വിഷയങ്ങള് ഞാന് മാധ്യമങ്ങള്ക്ക് മുന്നില് സംസാരിക്കില്ലെന്നും ഇത് ആദ്യത്തേയും അവസാനത്തേയും വാര്ത്താ സമ്മേളനമാകുമെന്നും അദ്ദേഹം അറിയിച്ചു.
