കൊച്ചി: രാഹുല് ഗാന്ധിയെ ലോക്സഭയില് നിന്ന് അയോഗ്യനാക്കിയ നടപടിയില് രാജ്യമെങ്ങും പ്രതിഷേധം പുകയുകയാണ്.അതിനിടെ പ്രധാനമന്ത്രിയെ വിമര്ശിച്ച് രംഗത്തെത്തിയിരിക്കുകയാണ് കോണ്ഗ്രസ് നേതാവ് രമേശ് ചെന്നിത്തല. രാഹുല് ഗാന്ധിയെ അയോഗ്യനാക്കിയ നടപടി അംഗീകരിക്കാനാവില്ലെന്ന് രമേശ് ചെന്നിത്തല പറഞ്ഞു. ഭരണഘടന വിരുദ്ധ നടപടിയാണ് സ്പീക്കര് സ്വീകരിച്ചത്. മോദിക്ക് എതിരെ സംസാരിക്കുന്നവരെ നിശബ്ദരാക്കുന്നു. എല്ഡിഎഫ് അടക്കം രാജ്യത്തെ കക്ഷികളെല്ലാം ഇതിനെതിരെ രംഗത്ത് വരണമെന്നും ചെന്നിത്തല പറഞ്ഞു.
അതേസമയം രാഹുല് ഗാന്ധിയെ ലോക്സഭയില് നിന്ന് അയോഗ്യനാക്കിയ നടപടിയില് വിവിധ സംസ്ഥാനങ്ങളില് പ്രതിഷേധവുമായി കോണ്ഗ്രസ് പ്രവര്ത്തകര് തെരുവിലിറങ്ങി. വയനാട്ടിലെ കല്പ്പറ്റയില് കോണ്ഗ്രസ് പ്രവര്ത്തകര് പ്രതിഷേധിച്ചു. പ്രതിഷേധ പ്രകടനവുമായി എത്തിയ പ്രവര്ത്തകര് ബി എസ്എന്എല് ഓഫീസിലേക്ക് തള്ളിക്കയറാനും ശ്രമിച്ചു. ആലുവയില് നരേന്ദ്ര മോദിക്കെതിരെ യൂത്ത് കോണ്ഗ്രസ് പ്രതിഷേധിച്ചു. മോദിയുടെ ചിത്രം കത്തിച്ചുകൊണ്ടായിരുന്നു പ്രതിഷേധം. റായ്പൂരില് കോണ്ഗ്രസ് ബിജെപി പ്രവര്ത്തകര് തമ്മില് ഏറ്റ്മുട്ടി. കോണ്ഗ്രസ് പ്രവര്ത്തകര് മോദിയുടെ കോലം കത്തിക്കുകയും ബിജെപി പോസ്റ്ററുകള്ക്ക് മുകളില് കരി ഓയില് ഒഴിക്കുകയും ചെയ്തു. മധ്യപ്രദേശില് ട്രെയിന് തടഞ്ഞാണ് കോണ്ഗ്രസ് പ്രതിഷേധിച്ചത്.
