റാന്നി: പുനലൂർ മൂവാറ്റുപുഴ ഹൈവേയിൽ മാടത്തും പടിയിൽ കെഎസ്ആർടിസി ബസ്സും ഇരുചക്രവാഹനവും കൂട്ടിയിടിച്ച് യുവാവ് മരിച്ചു.മക്കപ്പുഴ മാവേലിൽ വീട്ടിൽ പ്രതീഷ് (34)ആണ് മരിച്ചത്.ഇന്നു ഉച്ചയ്ക്ക് ശേഷം മൂന്ന് പതിനഞ്ചിന് എരുമേലി ഭാഗത്തുനിന്നും വന്ന ബസ്സും ചെത്തോങ്കരയിൽ നിന്ന് വന്ന ഇരുചക്ര വാഹനവും തമ്മിൽ ഇടിക്കുകയായിരുന്നു.
ഇടിയുടെ ആഘാതത്തിൽ ഇരുചക്രവാഹനവും പ്രതീഷും ബസ്സിന്റെ മുൻഭാഗത്ത് കുടുങ്ങിയ നിലയിൽ ആയിരുന്നു.വിവരമറിഞ്ഞെത്തിയ ഫയർഫോഴ്സും നാട്ടുകാരും ചേർന്ന് ഇയാളെ പുറത്തെടുത്തെടുത്ത് റാന്നി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് മൃതദേഹം റാന്നിയിലെ സ്വകാര്യ ആശുപത്രി മോർച്ചറിയിയിലേക്ക് മാറ്റി.പിതാവ്: മോഹനൻ. മാതാവ്: ലളിത ,ഭാര്യ: മഞ്ചുഷ. സംസ്ക്കാരം പിന്നീട്.
