റാന്നി: കേരള വ്യാപാരി വ്യവസായി ഏകോപന സമിതി റാന്നി യൂണിറ്റിന്റെ നേതൃത്വത്തിൽ റാന്നി താലൂക്ക് ആശുപത്രിയിൽ ദ് കെയറിങ്ങ് വാർഡ്രോബ് സജ്ജമാക്കി. വാർഡ്രോബിന്റെ ഉദ്ഘാടനം ഇന്ന് 3 മണിക്ക് ആന്റോ ആന്റണി എംപി നിർവ്വഹിക്കും .
അടിയന്തര സാഹചര്യങ്ങളിലും അപകടങ്ങളിലും ആശുപത്രിയിൽ പ്രവേശനം നേടുന്ന രോഗികൾക്ക് ആവശ്യമായ വസ്ത്രം മറ്റ് അത്യാവശ്യ സാധനങ്ങൾ എന്നിവ തുടർച്ചയായി ലഭ്യമാക്കുന്നതിന് വ്യാപാരികള് ഏർപ്പെടുത്തിയ സംവിധാനമാണിത്. പ്രസവത്തിനായി ആശുപത്രിയിൽ പ്രവേശിപ്പിക്കപ്പെടുന്ന പട്ടികവർഗ മേഖലകളിലെ നിർധനരായ സ്ത്രികൾക്കും അവരുടെ നവജാത ശിശുക്കൾക്കും ആവശ്യമായ കുഞ്ഞുടുപ്പുകൾ, ബേബി സോപ്പ് , പാമ്പേഴ്സ് തുടങ്ങിയവയും വാർഡ്രോബിൽ സജ്ജീകരിച്ചിട്ടുണ്ട്.