റാന്നി: ഓണചങ്ങാതിമാരെത്തിയതോടെ ശ്രീജേഷിൻ്റെ വീട്ടിൽ റാന്നി ബി.ആർ.സിയുടെ ഓണാഘോഷത്തിന് തുടക്കമായി. ശയ്യാവലംബികളായ കുട്ടികളുടെ വീട്ടിൽ സമഗ്ര ശിക്ഷാ കേരളം റാന്നി ബി.ആർ.സി ‘ചങ്ങാതികൂട്ടം’ സവിശേഷ പരിപാടി നടത്തി. ആഘോഷ വേളകളിൽ ശയ്യാവലംബികളായ കുളികളെ ചേർത്തിരിക്കുന്ന വിദ്യാലയങ്ങളിലെ കൂട്ടുകാരാണ് ചങ്ങാതികൂട്ടം. നാറാണംമൂഴി എം.ടി. എൽ.പി സ്കൂൾ മൂന്നാം ക്ലാസ്സിലെ ഓണച്ചങ്ങാതിമാർ പ്രഥമാധ്യാപകൻ റോയി ജോണിൻ്റെ നേതൃത്വത്തിൽ ശ്രീജേഷിൻ്റെ വീട്ടിലെത്തി.
പേരുകൊണ്ട് മാത്രം പരിചയമുള്ള തങ്ങളുടെ സഹപാഠിയെ നേരിട്ട് കാണാൻ കഴിഞ്ഞത് കുട്ടികൾക്ക് സന്തോഷമായി. റാന്നി ബിആർസിയുടെ ബ്ലോക്ക് തല ചങ്ങാതിക്കൂട്ടം പരിപാടി നാറാണംമൂഴി മാടന്തമണ്ണിൽ മുൻ പഞ്ചായത്ത് പ്രസിഡണ്ട് ബീന ജോബി ഉദ്ഘാടനം ചെയ്തു.പ്രധാമാധ്യാപകൻ റോയ് ജോൺ അധ്യക്ഷത വഹിച്ചു. ബിപിസി ഷാജി എ. സലാം, സ്പെഷ്യൽ എഡ്യുക്കേറ്റർ സോണിയ മോൾ ജോസഫ്, വി.ആര് വിഞ്ചു, ഹിമാ മോൾ സേവിയർ, അഞ്ജന, ആര് രാജശ്രീ എന്നിവർ പരിപാടികൾക്ക് നേതൃത്വം നൽകി.
