കോന്നി: കോന്നി കരിയാട്ടത്തിൻ്റെ ഭാഗമായി തൊഴിലന്വേഷകർക്കും സന്തോഷ വാർത്ത. മെഗാ തൊഴിൽ മേള സെപ്റ്റംബർ 1 തിങ്കളാഴ്ച്ച നടക്കും. കരിയാട്ടത്തിൻ്റെ ഭാഗമായ കാർഷിക – വ്യാപാര – വിപണന – പ്രദർശന മേളയും കലാപരിപാടികളും അമ്യൂസ്മെൻ്റ് പാർക്കുമെല്ലാം നടക്കുന്ന കെ.എസ്.ആർ.ടി.സി മൈതാനിയിലാണ് തൊഴിൽ മേളയും നടക്കുന്നത്. തൊഴിൽ മേളയിൽ പങ്കെടുത്ത് റിക്രൂട്ട്മെൻ്റ് നടത്താൻ 50 ൽ അധികം കമ്പനികളാണ് ഇപ്പോൾ തന്നെ രജിസ്ട്രർ ചെയ്തിരിക്കുന്നത്. നൂറിലധികം തസ്തികകളിലേക്കാണ് റിക്രൂട്ട്മെൻ്റ് നടത്തുന്നത്.
ഏത് യോഗ്യതയുള്ളവർക്കും തൊഴിലിനായി രജിസ്റ്റർ ചെയ്യാം. ഓൺലൈനായാണ് രജിസ്റ്റർ ചെയ്യേണ്ടത്. മൂവായിരത്തിലധികം ഒഴിവുകൾ ഇപ്പോൾ തന്നെ രജിസ്റ്റർ ചെയ്ത കമ്പനികളുടേതായുണ്ട്. വിദ്യാഭ്യാസ യോഗ്യതയ്ക്കൊപ്പം പ്രവർത്തി പരിചയവുമുള്ളവർ അതുകൂടി രജിസ്ട്രേഷനിൽ ഉൾപ്പെടുത്തണമെന്ന് സംഘാടക സമിതി അറിയിച്ചു. കൂടുതൽ വിവരങ്ങൾക്ക് 8714699496, 6282747518 എന്നീ നമ്പരുകളിൽ ബന്ധപ്പെടാവുന്നതാണ്.
