റാന്നി : എം.എസ്.ഹയർ സെക്കൻഡറി സ്കൂൾ പി.ടി.എ വാർഷിക സമ്മേളനം റാന്നി ഗ്രാമപഞ്ചായത്ത് പ്രസിഡന്റ് ശശികല രാജശേഖരൻ ഉദ്ഘാടനം ചെയ്തു. പി.ടി.എ. വൈസ് പ്രസിഡന്റ് സുശ്മി ഗിരീഷ് അധ്യക്ഷത വഹിച്ചു. എസ്.എസ്.എൽ.സി, പ്ലസ് ടു പരീക്ഷകളിൽ മികച്ച വിജയം നേടിയ വിദ്യാർത്ഥികൾക്കുള്ള അവാർഡ് വിതരണം സ്കൂൾ മാനേജർ കെ.സി.ജേക്കബ് നിർവഹിച്ചു. സൈക്കോ സോഷ്യൽ കൗൺസിലർ രമ്യ കെ.തോപ്പിൽ രക്ഷിതാക്കൾക്കായി ക്ലാസ് നയിച്ചു.
സ്കൂൾ പ്രിൻസിപ്പൽ സ്മിജു ജേക്കബ് വാർഷിക റിപ്പോർട്ടും കണക്കും അവതരിപ്പിച്ചു. പ്രഥമാധ്യാപിക സിംലാ മോൾ എബ്രഹാം, എസ്.പി.ജി. ഗ്രൂപ്പ് അംഗം രവി കുന്നക്കാട്ട്, മദർ പി.ടി.എ. പ്രസിഡന്റ് രജനി പ്രദീപ്, ടില്ലാ ഫിലിപ്പ് എന്നിവർ സംസാരിച്ചു. തുടർന്ന് 2025–27 വർഷത്തേക്കുള്ള പി.ടി.എ. ഭാരവാഹികളുടെ തെരഞ്ഞെടുപ്പ് നടന്നു. റോയി വി.തോമസ് (പ്രസിഡന്റ്), നിഷാന (വൈസ് പ്രസിഡന്റ്), രജനി പ്രദീപ് (മദർ പി.ടി.എ. പ്രസിഡന്റ്) എന്നിവരെ ഭാരവാഹികളായി തെരഞ്ഞെടുത്തു.
