റാന്നി പാലത്തിങ്കൽ- ചെറുനാട്ട് പടി റോഡ് നാട്ടുകാര്‍ക്കായി തുറന്നുകൊടുത്തു

റാന്നി: അങ്ങാടി പഞ്ചായത്തിലെ രണ്ടാം വാര്‍ഡ് തൃക്കോമലയില്‍ രാജു എബ്രഹാം എം.എല്‍.എയുടെ പ്രാദേശിക വികസന ഫണ്ടില്‍ നിന്നും 20 ലക്ഷം രൂപ ഉപയോഗിച്ച് നിര്‍മ്മിച്ച പാലത്തിങ്കൽ- ചെറുനാട്ട് പടി റോഡ് നാട്ടുകാര്‍ക്കായി തുറന്നുകൊടുത്തു. രാജു എബ്രഹാം എം.എല്‍.എ ഉദ്ഘാടനം നിര്‍വ്വഹിച്ചു.
അങ്ങാടി പഞ്ചായത്ത് പ്രസിഡന്റ് ബിന്ദു റജി അധ്യക്ഷത വഹിച്ചു. ജില്ലാ പഞ്ചായത്തംഗം ജെസി അലക്സ്, ബ്ലോക്ക് പഞ്ചായത്തംഗം എം.എസ് സുജ, പഞ്ചായത്ത് വൈസ് പ്രസിഡന്‍റ് എം.എം മുഹമ്മദ് ഖാൻ, കൊച്ചുമോൾ പൂവത്തൂർ , സിനി എം. ജോസ്, ജലജ രാജേന്ദ്രൻ, വി.റ്റി ലാലിച്ചൻ, സലാഹുദ്ദീൻ എന്നിവർ പ്രസംഗിച്ചു.