റാന്നി: റാന്നി പോലീസ് സ്റ്റേഷനില് ജനമൈത്രി സമിതിയുമായി ചേർന്ന് നടത്തിയ ഓണാഘോഷത്തിന്റെ ഉദ്ഘാടനം ഡി.വൈ.എസ്പി ജെ സന്തോഷ് കുമാർ നിര്വ്വഹിച്ചു. റാന്നി എംഎൽഎ അഡ്വ. പ്രമോദ് നാരായണൻ, ഫസ്റ്റ് ക്ലാസ്സ് മജിസ്ട്രേറ്റ് എ.എസ് സോണി എന്നിവർ വിശിഷ്ട അഥിതികളായിരുന്നു. എസ് ഐമാരായ ഹരികുമാർ, ശ്രീജിത്ത്, എ എസ് ഐ മനോജ്, എസ് സി പി ഓ ബിജു മാത്യു, സി പി ഓ ഷിൻ്റോ, അശ്വദ്ധീഷ്, ഉണ്ണികൃഷ്ണൻ, ജനമൈത്രി കൺവീനർ ശ്രീനി ശാസ്താംകോവിൽ, മന്ദിരം രവീന്ദ്രൻ എന്നിവർ പ്രസംഗിച്ചു. റാന്നി പോലീസ് സ്റ്റേഷനിലെ പോലീസ് ഉദ്യോഗസ്ഥരും കുടുംബാംഗങ്ങളും ജനമൈത്രി അംഗങ്ങളും ഓണാഘോഷത്തില് പങ്കെടുത്തു.
