അഞ്ചാലുംമൂട് : മൂകയും ബധിരയുമായ യുവതിയെ വീട്ടില്‍ അതിക്രമിച്ചു കയറി പീഡിപ്പിക്കാന്‍ ശ്രമിച്ച സംഭവത്തില്‍ പ്രതി പിടിയിലായി. ചിറയില്‍ പുത്തന്‍വീട്ടില്‍ സോളമനെ (പാപ്പി- 49)യേയാണ് ചിറ്റയം അഞ്ചാലുംമൂട് പൊലീസ് അറസ്റ്റ് ചെയ്തത് . പ്രതി, പെരുമണ്‍ ഭാഗത്തെ കായല്‍ തീരത്ത് ഒളിവില്‍ താമസിക്കുകയായിരുന്നു.കായലില്‍ ചാടി രക്ഷപ്പെടാന്‍ ശ്രമിച്ചെങ്കിലും സിപിഒ സുമേഷ് കായലില്‍ ചാടി പ്രതിയെ പിടികൂടുകയായിരുന്നു.
സോളമനും സുഹൃത്ത് റോജിയും ചേര്‍ന്ന് ഒരു മാസം മുന്‍പാണ് യുവതിയുടെ വീടിന്‍റെ ഓട് പൊളിച്ചിറങ്ങി പീഡിപ്പിക്കാന്‍ ശ്രമിച്ചത്. എന്നാല്‍ യുവതി ഓടി രക്ഷപ്പെട്ട് സമീപത്തെ വീട്ടില്‍ അഭയം പ്രാപിക്കുകയായിരുന്നു. പിന്നീട് പ്രതികള്‍ ഒളിവില്‍ പോവുകയായിരുന്നു. എസ്ഐ ഷാന്‍, സിപിഒ മനേഷ് എന്നിവരടങ്ങിയ സംഘമാണ് പ്രതിയെ കസ്റ്റഡിയിലെടുത്തത് . ഇവരെ കോടതിയില്‍ ഹാജരാക്കി റിമാന്‍ഡ് ചെയ്തു.
