പാലക്കാട് : പന്ത്രണ്ടുവയസുകാരിയായ പെൺകുട്ടിയെ ലൈംഗികമായി പീഡിപ്പിച്ച യുവാവ് പിടിയിൽ. പാലക്കാട് ജില്ലയിലെ ചിറ്റൂരാണ് സംഭവം. ചിറ്റൂർ വിളയോടി ജെ. ജിബിനെയാണ് (28) മീനാക്ഷിപുരം പോലീസ് അറസ്റ്റ് ചെയ്തത്. കഴിഞ്ഞ മേയ് മാസത്തിലാണ് 12 വയസുകാരിയായ പെൺകുട്ടിയെ ഇയാൾ ലൈംഗികമായി പീഡിപ്പിച്ചത്. ജിബിനെ കോടതിയിൽ ഹാജരാക്കി റിമാൻഡ് ചെയ്തു. പീഡനത്തിന് ശേഷം ഇയാൾ വിദേശത്തേക്ക് കടന്നുകളഞ്ഞു. അതിന് ശേഷമാണ് പെൺകുട്ടിയുടെ വീട്ടുകാർ വിവരമറിയുന്നതും പോലീസിൽ പരാതി നൽകുന്നതും. കുറച്ച് ദിവസം മുമ്പാണ് ഇയാൾ നാട്ടിലെത്തിയത്. തുടർന്ന് കഴിഞ്ഞ ദിവസം പ്രതിയെ പോലീസ് അറസ്റ്റ് ചെയ്യുകയായിരുന്നു.
