വൈത്തിരി : പൂഞ്ചോലയിലെ സ്വകാര്യ റിസോര്ട്ടില് ഇതര സംസ്ഥാനക്കാരിയായ യുവതിയെ പീഡിപ്പിച്ചെന്ന കേസില് രണ്ടു സ്ത്രീകളടക്കം ആറുപേരെ വൈത്തിരി പോലിസ് അറസ്റ്റ് ചെയ്തു. പേരാമ്പ്ര കാപ്പുമ്മല് വീട്ടില് മുജീബ് റഹ്മാന് (32), വടകര വില്യാപ്പള്ളി ഉറൂളി ഹൗസില് ഷാജഹാന് (42), തമിഴ്നാട് തിരുപ്പൂര് ചാമുണ്ഡിപുരം സ്വദേശിനി ശരണ്യ (33), തിരുവനന്തപുരം പാറശ്ശാല സ്വദേശിനി ഭദ്ര (മഞ്ജു -38), തളിപ്പുഴ മാമ്ബറ്റ പറമ്ബില് ഹൗസില് അനസ് (27), താഴെ അരപ്പറ്റ പൂങ്ങാടന് ഹൗസില് ഷാനവാസ് (28) എന്നിവരാണ് അറസ്റ്റിലായത്.
ഇവരെ കോടതി റിമാന്ഡ് ചെയ്തു. രണ്ട് പ്രതികള് കൂടി പിടിയിലാവാനുണ്ട്. കോയമ്പത്തൂര് സ്വദേശിനിയാണ് തന്നെ പീഡിപ്പിച്ചെന്ന് പോലീസില് പരാതിപ്പെട്ടത്. ഇവര് വൈത്തിരി താലൂക്ക് ആശുപത്രിയില് ചികിത്സ തേടി. കല്പറ്റ ഡിവൈ.എസ്.പി ടി.പി. ജേക്കബിന്റെ നേതൃത്വത്തിലാണ് കേസന്വേഷണം നടക്കുന്നത്.
